有圖有真相，頭先講到，黃曉明親自來港，喺大坑包咗間餐飲，為Baby慶祝25歲生日。點止咁簡單？黃曉明唔止人肉速遞來港，仲送大禮——價值二百幾萬嘅林寶堅尼!
今日黃曉明一早抵港，去到大坑某餐廳做準備，而佢送畀Baby嘅禮物———黑色林寶已經泊咗喺出面，用車冚冚住。準備好晒喇，曉明就由友人幫助之下上咗車，然後由友人再由車冚笠番好架車。好喇好喇，緊張時刻到喇，Baby帶到!
成班人先帶Baby入餐廳，咦，唔見曉明嘅？哦，於是經理人Kim又帶返Baby出嚟，請佢拆禮物——就係揭開架車個車冚，一揭，oh!!!大家睇相同 一陣睇片，就知道當時Baby個表情係幾驚喜開心!
但最大嘅驚喜，仲喺後面。Baby「打開」份禮物，先見到原來Honey曉明一早坐喺車裡面，噢no，曉明連人帶車送畀自己喎!情景就好似 睇電視劇咁，成班朋友做「觀眾」，等睇呢場「好戲」。跟手曉明就持拎住紮玫瑰落車，將自己獻俾Baby。已經High到不得了嘅Baby興奮到趴喺度狂笑，兩人再嚟個深情抱抱，Baby更主動錫男友面珠，真係……好似拍緊戲咁呀!
Post a Comment